„Opnunin er eins og gefur að skilja gríðarlega mikilvægur áfangi fyrir starfsemi okkar og það er mikil tilhlökkun meðal starfsfólks að geta stuðlað að góðu aðgengi fyrir fólk í frjósemisferli þar sem áhersla er lögð á hlýju og samkennd,” segir Þórir Harðarson, sérfræðingur í frjósemi og einn stofnenda Sunnu frjósemi sem hélt opnunarhóf á dögunum en fyrirtækið var formlega opnað 18. október.  

„Frjósemisvandi er eitthvað það erfiðasta sem fólk gengur í gegnum og við trúum því að frjósemismeðferð eigi að vera manneskjuleg og styðjandi. Sunna mun leggja áherslu á nærgætni, hlýju og samkennd og skapa umhverfi þar sem fólk finnur fyrir öryggi og stuðningi,” segir segir Ingunn Jónsdóttir, einn stofnenda Sunnu frjósemi.