Einn frægasti sellóleikari heims, Yo-Yo Ma, lék ásamt Sinfóníuhljómsveit Íslands í Hörpu í gær. Löngu uppselt var á tónleikana en koma hans er sagður stórviðburður í íslensku tónlistalífi. Forsetahjónin létu sig ekki vanta og voru á tónleikunum ásamt góðum félagsskap.

Á löngum og glæstum ferli hefur Yo-Yo Ma hljóritað yfir 90 plötur og unnið til 19 Grammy-verðlauna. Hann hefur komið fram víða á mörgum af stærstu tónlistaviðburðum heims og einnig spilað á innsetningum forseta Bandaríkjana og á Ólympíuleikunum.