Gaflaraleikhúsið frumsýndi verkið Tóm hamingja á föstudagskvöldið. Gaflaraleikhúsið er ekki með húsnæði eins og stendur og fékk inni í Borgarleikhúsinu sem kom sér vel því verkið er leikið á tveimur sviðum í einu. Áhorfendur skipta um sal í hléinu og sjá þann helming sem þau sáu ekki fyrir hlé.

Óli Gunnar Gunnarsson, Arnór Björnsson og Ásgrímur Gunnarsson eru höfundar verksins en leikstjórn er í höndum Bjarkar Jakobsdóttur. 

Elín Reynisdóttir förðunarmeistari gaf sér tíma til að fara í leikhús á föstudaginn en hún hefur ekki undan að farða fólk sem er í framboði þessa dagana. Eins og sjá má var mikið fjör á frumsýningunni og allir með sparibros á vör.