Tískuljósmyndarinn Kári Sverriss stofnaði fyrirtækið Appreciate The Details þegar hann gerði upp íbúð fyrir nokkrum árum en lesendur Smartlands fengu að fylgjast með ferlinu frá A-Ö. Síðan þá hefur Kári oftar en ekki verið fenginn til að stílisera heimili og smarta.

Nú er hann kominn með sína eigin vörulínu í samvinnu við Tekk sem hefur að geyma rúmföt og rúmteppi úr náttúrulegum efnum. Litirnir á rúmfötunum eru í stíl við litapallettu Appreciate The Details sem er í mjúkum jarðlitum. 

Línunni var fagnað af öllu hjarta í versluninni Tekk og var boðið upp á girnilegar veitingar sem runnu ljúflega niður.