Skúli Sigurðsson rithöfundur fagnaði útkomu bókar sinnar Slóð sporðdrekans á Vinnustofu Kjarval á dögunum.

Um er að ræða spennusögu um örvæntingarfullan föður sem fer í frí á framandi slóðir. Í fríinu upplifir hann eina mestu martröð sem foreldri þarf að upplifa þegar börnin hans hverfa sporlaust í fjölskyldufríi á Kosta Ríka. 

Slóð sporðdrekans er þriðja bók Skúla en fyrri bækur hans eru Stóri bróðir og Maðurinn frá São Paulo.

Vel var mætt í boðið af vinum og fjölskyldu. Skúli las upp úr bók sinni, áritaði bókina og svo var fagnað af öllu hjarta!