Hjónin Halla Bára Gestsdóttir og Gunnar Sverrisson hafa endurlífgað tímaritið Lifun sem þau unnu að fyrir 20 árum en þá kom það út með Morgunblaðinu. Hjónin hófu sambúð fyrir 25 árum og hafa síðan þá gert fallegt í kringum sig og miðlað fegurðinni til landsmanna í gegnum tímarit, bækur, ljósmyndir, hlaðvarp og fleira. 

Hjónin buðu til útgáfuveislu Lifunar í Epal Gallerí á Laugavegi 7. Í leiðinni opnuðu þau sýningu á því hvernig þeirra heimili hefur þróast í gegnum tíðina en hjónin hafa flutt nokkrum sinnum á þessum tíma.