Það var góð stemning í Ey Studio á Hólmaslóð þegar danska snyrtivörumerkið Gosh Copenhagen stóð fyrir skvísuboði þar sem allt það helsta var kynnt. Snyrtielskandi drottningar létu þetta teiti ekki framhjá sér fara og prófuðu nýja augnskugga, gloss og fljótandi ljómavörur sem geta hresst upp á ásjónu fölra. 

Þar var Kolbrún Anna Vignisdóttir förðunarfræðingur, Birta Líf Ólafsdóttir í Teboðinu, Æði-drottningarnar Bassi Maraj og Patrekur Jamie, Gerður Jónsdóttir og Hekla Nína Hafliðadóttir. 

Boðið var upp á hressandi drykki sem blandaðir voru á staðnum og huggulegar veitingar í föstu formi sem fóru vel í maga.