Það var heilmikið um að vera á Petersen svítunni á fimmtudagskvöldið þegar stjórnmálaflokkurinn Samfylkingin bauð í kvennateiti. Kristrún Frostadóttir, eða K Frost eins og hún er kölluð þessa dagana, formaður Samfylkingarinnar stóð að sjálfsögðu partívaktina. 

Gleraugnasalinn í Sjáðu og uppistandari, Anna Þóra Björnsdóttir, skemmti gestum en þeir sem þekkja konuna vita að hún er óhefluð og fyndin. 

Svo kom Nadia Semichat og var líka með uppistand sem þótt líka frekar fyndið. Það var þó engin tilbúin að fara heim eftir brandaraflóð og því var Ragga Holm fengin til þess að spila hressandi tóna sem gerði það að verkum að allar gátu hreyft skanka sína og útlimi á heillandi hátt.

Boðið var upp á rauðan kokteil í stíl við lógó stjórnmálaflokksins.