Björn Ingi Hrafnsson ritstjóri Viljans var í miklu stuði á Þorrablóti Vesturbæjar á laugardaginn var og dansaði kónga eins og enginn væri morgundagurinn. Feykileg stemning var á þorrablótinu en ljósmyndari Smartlands fangaði gleðina sem ríkti í KR-heimilinu þetta kvöld. 

Björn Ingi var þó ekki eini maðurinn sem var í stuði því á svæðinu var Gísli Marteinn Baldursson sjónvarpsstjarna, Einar Örn Ólafsson forstjóri flugfélagsins Play, Ólafur Teitur Guðnason samskiptastjóri Carbfix og kærasta hans, Hrönn Róbertsdóttir tannlæknir. 

Boðið var upp á mat frá þorrakónginum í Múlakaffi og Anna Steinsen og Gísli Einarsson voru veislustjórar. Svo kom FM Belfast á spilaði og Emmsjé Gauti tryllti mannskapinn með sinni töfrandi rödd og föngulegu framkomu.