Kúnst­pásu eft­ir Sæ­unni Gísla­dótt­ur var fagnað á föstu­dag­inn var í bóka­búð Sölku við Hverf­is­götu. Hún er sér­fræðing­ur hjá Rann­sóknamiðstöð Há­skól­ans á Ak­ur­eyri, skrif­ar um bæk­ur fyr­ir Lestr­ar­klef­ann og þýddi bók­ina Ósýni­leg­ar kon­ur eft­ir Carol­ine Cria­do Perez sem kom út árið 2021 hjá Sölku. Nú er hún hins veg­ar búin að gefa út sína fyrstu skáld­sögu sem seg­ir frá heims­borg­ar­an­um Sól­eyju sem er ný­út­skrifaður hljóm­sveit­ar­stjóri á frama­braut. Hún býr í Leipzig og ætl­ar sér alls ekki að flytja heim til Íslands í bráð en svo skell­ur kór­ónu­veir­an á og hún er mætt á klak­ann án lít­ils fyr­ir­vara. 

Til þess að hafa eitt­hvað fyr­ir stafni tek­ur hún að sér að reka bóka­búð afa síns í litl­um smá­bæ á hjara ver­ald­ar og þá fara æv­in­týr­in að ger­ast. Áður en hún veit af er hún búin að kynn­ast leiðsögu­mann­in­um Óskari og þá er ekki aft­ur snúið. Í bók­inni flétt­ast tvær sög­ur sam­an en hin sag­an fjall­ar um unga ekkju sem stíg­ur af skips­fjöl í sama smá­bæ. Hún ætl­ar að opna versl­un í karla­veldi með mót­læt­inu sem því fylg­ir. Hún á þó eft­ir að kom­ast að því að kon­ur eru kon­um best­ar og að það er alltaf ljós við enda gang­anna.