Hvernig lítur hið fullkomna typpi út?

„Stærðin skiptir ekki máli,“ er setning sem er mörgum kunnug í umræðunni um typpastærðir. Sumir segja það eina sem skipti máli sé hvað einstaklingurinn geti gert með typpinu á meðan að aðrir hafa ákveðna staðla.

Nýlega var gerð rannsókn í háskólanum í Zurich á því hvernig konur sjá fyrir sér hið fullkomna typpi. Rannsóknin var svo birt í „The Journal of Sexual Medicine.“ 105 konur tóku þátt og voru beðnar um að raða átta eiginleikum typpis í þá röð sem þeim þætti mikilvægust. 

Samkvæmt vefsíðunni Glamour komu niðurstöðurnar rannsakendum heldur á óvart en samkvæmt þeim þótti flestum konum mikilvægast að typpið liti almennt vel út. Í því felst að konurnar vildu ekki hafa neitt óvænt á því eins og ör eða fæðingarbletti. Venjulegt, fallegt typpi var það sem flestum þótti mikilvægast. 

Hér að neðan má sjá listann.

1. Að typpið líti almennt vel út, án allra lýta.
2. Að skaphár séu sýnileg.
3. Typpi með forhúð.
4. Ummál typpisins.
5. Lag kóngsins.
6. Lengd typpisins.
7. Útlit pungsins.
8. Staða og lag þvagrásarinnar.

mbl.is/AFP

• Blogga um frétt