Var beðin að „teygja“ ekki fötin

Kanadíski bloggarinn Shiann Friesen heldur úti youtubesíðunni ShiCurves. Friesen er í yfirþyngd en með myndböndunum vill hún m.a. vekja athygli á að allar konur geta verið fallegar og hamingjusamar, óháð stærð. Nýverið lenti Friesen í leiðinlegu atviki og birti myndband um það á youtubesíðunni.

Í myndbandinu kemur fram að Friesen hafi vinsamlegast verið beðin að troða sér ekki í föt sem „passa augljóslega ekki“ í mátunarklefa Walmart. Sömuleiðis var hún beðin að „teygja“ ekki fötin. Friesen náði starfsmanni Walmart á myndband og birti það.

Í meðfylgjandi myndbandi má sjá myndbrotið sem Friesen tók upp í Walmart (byrjar á þriðju mínútu u.þ.b). Hún segir atvikið hafa haft mikil áhrif á sig.

Shiann Friesen hefur áhuga á tísku og förðun og fjallar meðal annars um það á Youtube-síðunni sinni. Instagram @shicurves

• Blogga um frétt