Fíkn er alvarlegur heilasjúkdómur af líffræðilegum toga sem oft leiðir til dauða. Það gleymist oft að fólk sem deyr vegna ofneyslu á lyfjum og áfengi á foreldra, systkini, vini og börn sem dragast inn í þessi veikindi. Þetta eru aðstandendur, stór, ósýnilegur hópur sem lifir í miklum ótta, kvíða og sorg. Í nýj­asta þætt­in­um af Missi í Sjón­varpi Sím­ans er rætt við fólk sem hef­ur tek­ist á við þessa sorg og þennan missi og lært að lifa upp á nýtt.

Kolbeinn Elí Pétursson missti ungur að árum móður sína úr fíknisjúkdómi. Kolbeinn lýsir því meðal annars því hversu erfitt skref það er að opna sig við aðra um sorgina og áfallið, og þá sérstaklega gagnvart þeim sem næst honum standa. Aðrir viðmælendur í þættinum eru þau Ragna Klara Magnúsdóttir, Helena Rós Sigmarsdóttir, Breki Blær Stefánsson og Askur Máni Stefánsson. 

Þátt­ur­inn er sýnd­ur í op­inni dag­skrá klukk­an 20:35 í kvöld, öll þáttaröðin er nú þegar aðgengi­leg í Sjón­varpi Sím­ans Premium.

Tengdar fréttir

Missir

Sneri blaðinu við eftir föðurmissi

• Heimur Kamillu hrundi þegar litli bróðir hennar lést
• Steinninn breytist með tímanum eins og sjálf sorgin
• Berglind fann ástina á ný eftir andlát eiginmannsins
• „Ég hataði manninn minn og svo dó hann“

» Fleiri tengdar fréttir

• Blogga um frétt