Vala Valtýsdóttir lögmaður á Lög­fræðistofu Reykja­vík­ur svar­ar spurn­ing­um les­enda Smart­lands. Hér fær hún spurn­ingu frá mann­eskju sem velt­ir fyr­ir sér hvernig séreign hjóna sem eiga ekki börn saman skiptist. 

Góðan dag

Um er að ræða hjón sem eiga eingöngu börn úr fyrri hjónaböndum. Þau eru búin að gera erfðaskrá um að það sem lifir lengur situr í óskiptu búi. Nú erfir maki foreldri og hefur foreldri í erfðaskrá sagt að eigi að vera séreign. Hvernig fer með þá séreign ef til dæmis maki borgar fyrir rekstur, ferðir erlendis og fleira af þessum arfi. Hvernig skiptist búið þegar bæði eru dáin? Fá börn hins makans þessa séreign?

Vala Valtýsdóttir lögmaður á Lögfræðistofu Reykjavíkur.

Ef skipti á dánarbúi fer fram eftir lát beggja hjóna, þá fellur niður lögmæltur erfðaréttur hins langlífara eftir hið skammlífara. Ef séreigninni er ekki skipt sérstaklega þegar sá sem lifir lengur sest í óskipt bú þá hefur hann frjáls yfirráð yfir henni og að lokum einmitt erfist hún beint til barna þess sem átti séreignina þar sem erfðarétturinn fellur niður milli hjónanna eftir andlát beggja.

Þetta þýðir hvað varðar séreignir að skipta á þeim strax þegar sest er í óskipta búið.

Kveðja, 

Vala Valtýsdóttir lögmaður.

Þú get­ur sent lög­mönn­um á Lög­fræðistofu Reykja­vík­ur spurn­ingu HÉR.

Tengdar fréttir

Spurðu lögmanninn

Gerði kaupmála við eiginmanninn en hefur skipt um skoðun - má það?

• Má áttræð móðir „lána“ tveimur dætrum peninga en ekki hinum?
• Hvernig er rétt að haga umgengni tveggja ára barns eftir skilnað?
• Hvernig er hægt að tryggja að makinn fái ekki arfinn?
• Býðst spennandi starf en veltir fyrir sér þessum 5%

» Fleiri tengdar fréttir

• Blogga um frétt