Linda Baldvinsdóttir, samskiptaráðgjafi og lífsmarkþjálfi hjá Manngildi, veit sínu viti þegar samskipti eru annars vegar, enda þrautreynd í faginu. Linda var gestur í Dagmálum á dögunum en þar ræddi hún um samskipti í nánum samböndum sem geta bæði verið heilbrigð og eitruð í senn.

Lykillinn að heilbrigðum samskiptum

„Þið hjónin voruð kannski búin að tala um að skreppa í Kringluna á laugardegi eða eitthvað slíkt. Svo gleymir makinn því og vinirnir spyrja hvort hann sé ekki til í að koma og horfa á leik með þeim á laugardeginum. Hann kemur og spyr hvort þér sé ekki sama hvort hann skreppi með strákunum að sjá leikinn. Og þú svarar: „Jújú“ og setur upp svip,“ sagði Linda og setti upp raunverulegt dæmi um eitruð samskipti á milli pars í nánu sambandi.

„Það hefur engum dottið það í hug að þetta er andlegt ofbeldi,“ sagði hún.

Ennþá í fýlu en segir ekki neitt

„Svo kemur hann heim og þá ert þú búin/nn að byggja upp fýluna í þér og hann skilur ekki neitt í neinu,“ hélt hún áfram og líkti þögn, svipbrigði og fýlustjórnun í samskiptum fólks við andlegt ofbeldi.

„Við erum öll að beita einhvers konar andlegu ofbeldi. En þegar það er orðið alvarlegt og þér er farið að líða inni í samskiptunum, líður eins og þú sért í fangelsi og finnst eins og þér sé stjórnað af annarri manneskju þar sem tilfinningar þínar og tilvera er ekki virt - komdu þér þá í burtu.“

Smelltu hér til að heyra og eða sjá þáttinn heild sinni. 

Tengdar fréttir

Linda og lífsbrotin

Gleymir að hugsa um sjálfa sig þegar erfiðleikar banka upp á

• Er von fyrir sambönd sem myndast eftir fimmtugt?
• Hvers vegna virkar skyndibitaleiðin ekki?
• Hvers vegna klúðrum við seinni samböndum okkar?
• Lífið er ástarsaga

» Fleiri tengdar fréttir

Dagmál

Telur Íslendinga hrædda við að elta draumana sína

• Óskuðu þess að öll fjölskyldan fengi krabbamein
• Kauðskt að stjórnmálamenn tali um að lækka vexti
• Telur ekki best að mannkynið deyi út
• Málflutningur VG „ómarkviss“ í umhverfismálum

» Fleiri tengdar fréttir

• Blogga um frétt