Tómas Jónsson lögmaður á Lögfræðistofu Reykjavíkur svarar spurningum lesenda Smartlands. Hér fær hann spurningu frá Jóni sem veltir því fyrir sér hvort hann megi skoða Kerið án þess að borga. 

Sæll Tómas. 

Má ég ganga að Kerinu og neita að borga gjald?

Kveðja, 

Jón

Kerið í Grímsnesi er ein af perlum íslenskrar náttúru. mbl.is/Eggert Jóhannesson

Sæll Jón.  

Réttur almennings til aðgangs að landinu okkar og náttúruperlum þess án gjalds er tryggður í lögum um náttúruvernd en sá réttur er þó háður því að landeigendum sé sýnd tillitssemi og leiðbeiningum þeirra og fyrirmælum um ferð og umgengni sé fylgt. Í byggð er landeigendum heimilt að takmarka eða banna umferð um eignarland sitt og það er nákvæmlega það sem hefur verið gert við Kerið nema að greitt sé fyrir að ganga um svæðið og leggja ökutæki. Þess má geta að eigendur Kersins hafa kostað til aðgengilegs bílastæðis og vandaðra göngustíga, sem geta í sjálfu sér réttlætt gjaldtökuna. Þannig að svarið við spurningu þinni er neikvætt - bara borga, brosa og njóta.

Með bestu kveðju, 

Tómas Jónsson lögmaður

Liggur þér eitthvað á hjarta? Þú getur sent Tómasi eða öðrum lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Erfa stjúpbörn peninga við andlát blóðforeldris?

• Þarf fráskilin 71 árs að gera erfðaskrá?
• Miðaldra kona er skráð fyrir 50% hlut í húsi og leitar ráða
• Má stjúpa selja fyrirtæki látins föður?
• Er hægt að refsa fólki sem stelur úr dánarbúi?

» Fleiri tengdar fréttir

• Blogga um frétt