Vala Valtýsdóttir lögmaður á Lögfræðistofu Reykjavíkur svarar spurningum lesenda Smartlands. Hér fær hún spurningu frá konu sem veltir því fyrir sér hvort hún megi draga fram trésmíðavélarnar og smíða í stæðinu sínu í bílakjallaranum. 

Sæl Vala. 

Ég bý í litlu fjöleignahúsi með sér stæði í bílakjallara, og geymslu í kjallaranum.

Er mér leyfilegt að draga fram litlar trésmíðavélar úr geymslunni, fram í stæði og smíða litla hluti, og setja vélarnar inn í geymslu aftur að því loknu?

Kveðja, 

GG

Kona spyr hvort hún megi fara með smíðagræjurnar í bílastæðið sitt í bílakjallaranum. Todd Quackenbush/Unsplash

Sæl GG. 

Samkvæmt ákvæðum fjöleignahúsalaga þá ber eigendum að vera í húsfélagi.  Hlutverk og tilgangur húsfélaga er aðallega að sjá um varðveislu, viðhald, endurbætur og rekstur sameignar og er valdsvið húsfélags bundið við sameignina og ákvarðanir sem varða hana og nauðsynlegar eru vegna hennar og sameiginlegra hagsmuna eigenda. Eigendur skulu gera með sér húsfélagssamning/samþykktir þar sem m.a. ætti að koma fram hvernig afnotum sameignar skuli háttað. Ef ekki er um slíkt að ræða þyrfti samþykki annarra sameigenda fyrir slíkum afnotum.

Kveðja, 

Vala Valtýsdóttir lögmaður

Liggur þér eitthvað á hjarta? Þú getur sent Völu og öðrum lögmönnum á Lögfræðistofu Reykjavíkur póst HÉR. 

Tengdar fréttir

Spurðu lögmanninn

Erfa stjúpbörn peninga við andlát blóðforeldris?

• Þarf fráskilin 71 árs að gera erfðaskrá?
• Miðaldra kona er skráð fyrir 50% hlut í húsi og leitar ráða
• Má stjúpa selja fyrirtæki látins föður?
• Er hægt að refsa fólki sem stelur úr dánarbúi?

» Fleiri tengdar fréttir

• Blogga um frétt