Tómas Jónsson lögmaður á Lögfræðistofu Reykjavíkur svarar spurningum lesenda Smartlands. Hér fær hann spurningu frá konu sem spyr hvers vegna makinn fái ekki lán vegna hennar skuldastöðu. 

Daginn,

þannig er mál með vexti að ég er með gamla skuld sem ég er að greiða niður mánaðarlega. Maki minn er í viðskiptum við sama banka og ég er með þessa skuld, hann er með gott lánshæfismat og sitt í skilum. Má bankinn neita honum um frekari útlán, t.d yfirdrátt á þeim forsendum að maki hans skuldi bankanum (frekar lág upphæð, sem er verið að greiða niður).

Kveðja, 

BN

mbl.is/Eggert Jóhannesson

Sæl. 

Takk fyrir spurninguna.

Bönkum og öðrum fjármálafyrirtækjum er skylt að meta útlánaáhættu sína sjálfstætt og engin lagaregla skyldar þau til þess að veita viðskiptamanni sínum frekari útlán. Þannig að stutta svarið við spurningu þinn er; já, bankanum er það heimilt. En fjármálafyrirtækjum er að sjálfsögðu skylt að starfa í samræmi við eðlilega og heilbrigða viðskiptahætti, þ.m.t. að hafa hagsmuni viðskiptavina sinna að leiðarljósi, og hægt að bera álitaefni um það undir sérstaka úrskurðarnefnd.

Kær kveðja, 

Tómas Jónsson lögmaður

Liggur þér eitthvað á hjarta? Þú getur sent Tómasi og öðrum lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Erfa stjúpbörn peninga við andlát blóðforeldris?

• Miðaldra kona er skráð fyrir 50% hlut í húsi og leitar ráða
• Má stjúpa selja fyrirtæki látins föður?
• Er hægt að refsa fólki sem stelur úr dánarbúi?
• Gerði kaupmála við eiginmanninn en hefur skipt um skoðun - má það?

» Fleiri tengdar fréttir

• Blogga um frétt