Björg Vigfúsdóttir fjölskyldumeðferðarfræðingur segir áfengisneyslu geta haft skaðleg áhrif á parasambönd. Sá dómgreindarbrestur sem fylgir neyslu áfengis segir hún oft leiða til þess að fólk taki hliðarspor og verði uppvíst um ótryggð í garð maka síns. 

„Stundum erum við að sjá fólk sem er ánægt í parasambandi fara mjög langt í áfengisneysluna og fer inn í það að hegða sér bara alls ekki með þeim hætti sem það myndi annars gera þegar það er ekki í áfengi,“ segir hún.

„Það er ekki hægt að breyta því. Við þurfum alltaf að bera ábyrgð hvort sem við erum í glasi eða ekki.“

Frétt af mbl.is

Framhjáhöld þrífast í starfsumhverfinu

Með makann undir gjörgæslu eftirliti

Björg segir áfengisneyslu geta verið mikla áskorun fyrir pör og að það þekkist að áfengisneysla annars aðilans í parasambandinu geti leitt til óviðeigandi hegðunar. Til dæmis ef aðilinn segir óviðeigandi hluti við aðra viðstadda, hugsanlega af gagnstæðu kyni, snerti líkamsparta þeirra á óviðeigandi hátt eða álíka hegðun sem oft er hægt að flokka sem óviðeigandi hegðun og jafnvel kynferðislegt áreiti. 

„Það gengur ekki að vera að fara yfir mörk og þegar annar aðilinn er kominn þangað að vera farinn að drekka of mikið þá er hinn orðinn einhver svona gjörgæsluaðili, alltaf að fylgjast með og telja drykki og svona, það getur verið flókið ferli líka.“

Frétt af mbl.is

Algengt að íslensk pör haldi framhjá

Val á milli flöskunnar eða fjölskyldulífsins

Að sögn Bjargar kann slík hegðun að ógna sambandinu og setja blett á samskipti parsins hvort sem annar aðilinn sýni af sér þessa hegðun einungis í eitt skipti eða ítrekað. Hún segir slíka hegðun hafa afleiðingar og að fólk þurfi að bera ábyrgð á gjörðum sínum hvort sem það sé undir áhrifum eða ekki.  

„Ef þetta er orðið þannig að þetta er orðið vandamál í tengslum við sambandið þá þarftu bara svolítið að fara horfa á það hvort þú elskir flöskuna meira en sambandið og það getur oft verið flókið inni í parasambönd,“ segir Björg og mælir með að pör leiti sér aðstoðar fyrr en seinna ef áfengisneysla er farin að ógna sambandinu og fjölskyldulífinu öllu. 

„Áfengisneysla annars aðilans í parasambandinu getur verið flókin en það er oft vinna sem er mjög mikilvægt að fara í gegnum. Það getur verið mjög flókið ferlið í því öllu en við sem samfélag höfum normalíserað þetta mjög mikið.“

Smelltu hér til að hlusta eða horfa á þáttinn í heild sinni. 

Tengdar fréttir

Samskipti kynjanna

Hélt að ég yrði aldrei einmana með kærasta

• Þarf að þola tilbreytingalaust kynlíf?
• Þurfti að þola kynlífslaust hjónaband
• 30 atriði sem kveikja í konum
• „Það er líklegt að pirringurinn hafi átt rætur að rekja til valdastöðu þeirra beggja“

» Fleiri tengdar fréttir

Dagmál

Skilnaðir og heilsubrestur bugaðs fólks

• „Þau höfðu verið að deyja þessir krakkar“
• Skrítið að enn er bara eitt úrræði í boði
• Næstu skref þingforseta óráðin
• „Það var bara allt í kássu“

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Sambandsflækjur