Bjarni Snæbjörnsson, leikari, skemmtikraftur og rithöfundur, giftist sínum heittelskaða, vöruhönnuðinum Bjarma Fannari Irmusyni, við fámenna en fallega athöfn þann 21. júní síðastliðinn.

Bjarni greindi frá gleðitíðindunum á Instagram-reikningi sínum í gærdag og hefur hamingjuóskum rignt yfir parið.

„Föstudaginn 21. júní þurfti að þrífa bílinn, sækja hundapössunarpíuna á Keflavíkurflugvöll (því við vorum á leið til Ítalíu), skúra og græja og gera. Við ákváðum að skjóta því inn í dagsplanið að gifta okkur á viðburði Siðmenntar „Hoppað í hnapphelduna“ í Ráðhúsi Reykjavíkur. 

Bjarmi bjó til fallega barmaskreytingu á jakkana okkar, við skunduðum prúðbúnir í miðbæ Reykjavíkur og áttum dásamlega stund með Ingu Auðbjörgu. Einu vitnin voru tónlistarfólkið, starfsmenn Siðmenntar og endurnar á tjörninni því við vildum gera þetta einir; ekki einu sinni foreldrar okkar fengu að koma þó þau hafi vitað af ráðahagnum því þau þurftu að vera vottar. 

Þannig fögnuðum við ástinni á fullu tungli, á fyrsta degi í krabbamerkinu og á sama sólarhring og sumarsólstöður. Það var magnað, fallegt, satt, rétt, effortless, einfalt og kærleiksríkt. Fullkomið fyrir okkur. 

Í hjörtum okkar ríkir þakklæti fyrir að búa í landi þar sem við tveir getum gifst manneskjunni sem við elskum. 

Gleðilegt sumar elsku öll - lifi ástin,“ skrifaði Bjarni við fallega myndaseríu sem sýnir frá brúðkaupsdeginum. 

Smartland óskar Bjarma og Bjarna hjartanlega til hamingju! 

Tengdar fréttir

Brúðkaup

Fögnuðu sykurbrúðkaupi á búllunni

• Brúðarkjóll fyrirsætu laus við kynþokka
• Hafdís og Jón hjón í sjö ár
• Vilja að eiginmaður Páls Óskars fái ríkisborgararétt
• Viktor Karl og Jónína eru trúlofuð

» Fleiri tengdar fréttir

Instagram

Gerður í Blush og Jakob Fannar trúlofuð

• Laufey nældi sér í bragðaref
• Instagram: Ástin, útlönd og alvöru stuð
• Jóhanna Helga og Geir ástfangin í sex ár
• Mátuðu brúðarklæðin í tilefni af silfurbrúðkaupi

» Fleiri tengdar fréttir

• Blogga um frétt