Þegar tæknilegar unaðsvörur eru ekki til á heimilinu er hægt að fara í skúffur, skápa eða jafnvel ísskápinn og finna eitthvað til þess að nota í hita leiksins.
Einn þriðji Ástrala notar hefðbundna heimilishluti til þess að krydda kynlífið að því fram kemur í könnun sem greint er frá á vef Women's Health. Vinsælt er að nota kodda, sturtuhausa en matvörur koma einnig til greina.
Af þeim ævintýragjörnu voru 36 prósent sem notuðu kodda. 32 prósent prófuðu sig áfram með sturtuhausa og 30 prósent notuðu grænmeti til þess að gera kynlífið skemmtilegra. 24 prósent notuðu rafmagnstannbursta. 20 prósent notuðu sokka, önnur 20 prósent notuðu hanska. 18 prósent notuðu farsíma og 16 prósent notuðu hárbursta. 10 prósent notuðu þvottavélar.
Fáir hlutir eru óhultir á heimilinu en fólk viðurkenndi að hafa notað nuddvélar, vasaljós, förðunarbursta, sjampóflöskur, handryksugur og kústskaft til þess að auka unaðinn.
Fólk prófaði sig áfram með þessa hluti af tveimur ástæðum, annars vegar átti það ekki unaðstæki og hins vegar langaði það að prófa eitthvað sem það hafði séð í sjónvarpi eða kvikmyndum. Um tvö prósent enduðu hjá lækni.