Hvenær má kona fara í nýtt ástarsamband eftir skilnað?
Setja bókamerki
Theodor Francis Birgisson klínískur félagsfræðingur hjá Lausninni svarar spurningum lesenda Smartlands. Hér fær hann spurningu frá konu sem er að skilja eftir langt samband og veltir fyrir sér hvenær sé í lagi að fara í nýtt samband.
Blessaður T.
Ég er að skilja eftir langt samband og er að hugsa hver næstu skref hjá mér eru. Vinkona mín segir að maður eigi almennt ekki að fara í samband með neinum fyrr en að liðin séu tvö ár frá skilnaði. Hún hafi sjálf gert þau mistök að giftast strax aftur eftir skilnað og það endaði illa.
Hvað mæla sérfræðingar með?
Kveðja,
ein fráskilin.
Sæl og blessuð og takk fyrir þessa spurningu.
Skilnaðir eru alltaf erfiðir, hvort sem maður biður um skilnað eða makinn vill skjlja. Það verður alltaf til ákveðin sorg sem einstaklingar eiga síðan miserfitt með að yfirstíga.
Það sem sorg á hins vegar alltaf sameiginlegt er að maður hristir hana ekki af sér einn, tveir og þrír. Það þarf lækningarferli sem undantekningar lítið inniheldur talsvert margar samræður, oft á tíðum bæði við vini og fagaðila.
Það ætti því aldrei að taka styttri tíma en eitt ár til að jafna sig á sambandsslitum og því nær sem biðtíminn nálgast tvö ár því betra.
Hér þarf samt líka að hafa í huga að þegar að skilnaði kemur er oft og tíðum langur tími síðan sambandið „dó“ þó að fólk búi ennþá saman. Það er því afar persónulegt á hvaða stað viðkomandi er þegar sambandi líkur og því líka persónulegt hvað langur tími á að líða frá skilnaði þangað til byrjað er í nýju sambandi.
Það er þó alltaf skynsamlegt að fara hægt í róttækar breytingar á lífi sínu sé þess nokkur kostur. Á þessum tíma er mikilvægt að gefa engum tilfinningaleg loforð sem maður er ekki viss um að maður vilji eða geti staðið við.
Gangi þér vel með allt.
K.kv Theodor
Liggur þér eitthvað á hjarta? Þú getur sent Thodor spurningu HÉR.
„Hafði vissulega mikil áhrif á kerfin okkar“
Höfum tekið á móti of mörgum flóttamönnum
„Svarið er held ég flestum augljóst“
Skrifar um ást og sorg í lífi Jónasar
Gekk bara einu sinni á uppsafnað orlof
„Ekkert okkar vilji afskrifa Reykjanesskagann“
Félagsmenn Sameykis talað fyrir úrsögn úr BSRB
„Afar skemmtilegt verkefni“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál