Fleiri pör sækja um skilnað í janúar en á nokkrum öðrum tíma ársins. Ziba Graham Jr., klínískur sálfræðingur, segir fyrsta mánuð ársins einnig kjörinn til að gera jákvæðar breytingar á hjónabandinu. Þetta kemur fram í tilkynningu frá Peyton Ferguson
Ascot Media Group.

Graham er höfundur bókarinnar Fix Your Marriage Without Counseling sem er sögð geta aðstoðað pör við að halda í heitin og styrkja sambandið á nýju ári. 

Þau pör sem hafa þegar komist í gegnum hátíðartímabilið í desember og fram yfir nýja árið geta prísað sig sæl því samkvæmt Doyle Law Group fer hæsta hlutfall skilnaðarumsókna fram dagana 12.-16. janúar ár hvert.

Á hverju ári fjölgar slíkum umsóknum um þriðjung.

Hafi atómbombu ekki verið varpað fyrir miðjan janúar geta pör notað tímann í byrjun árs til að hefja vinnu við að halda í þráðinn sem hefur verið óslitinn – mögulega farinn að verða snjáður – frá giftingu, að sögn Grahams. 

Í áðurnefndri bók Grahams er að finna sannreyndar aðferðir við að halda í neistann og hvernig styrkja eigi sambandið, hvort sem það þurfi smávægilegar lagfæringar eða meiriháttar yfirhalningu.

Markmið bókarinnar segir Graham vera að fækka hjónaskilnuðum sem geti oft á tíðum splundrað heilu fjölskyldunum. Hann a.m.k. ráðleggur pörum að nýta heilræðin sem bókin hefur að geyma áður en ráðist er í fjárfestingu í hjónabandsráðgjöf. 

Tengdar fréttir

Samskipti kynjanna

Afhverju heldur fólk framhjá yfir hátíðirnar?

• Fimm stefnumótaráð fyrir nýja árið
• 10 ráð fyrir góð sambönd
• Hvernig á að hætta með narsissista?
• Hélt að ég yrði aldrei einmana með kærasta

» Fleiri tengdar fréttir

Skilnaður

Þjáðist í hljóði á eigin heimili

• Streep og Gummer skilin að skiptum
• Smith segir hjónabandinu lokið
• Leyfði eiginkonunni að halda fram hjá vegna aldurbilsins
• Kemur í veg fyrir ágreining við sambúðarslit með ákveðnu fyrirkomulagi

» Fleiri tengdar fréttir

• Blogga um frétt