Smartland Mörtu Maríu | Stjörnuspá | mbl | 2.10.2020 | 6:00

Nautið: Það er ekkert sem stoppar þig núna

Elsku Nautið mitt,

það eina sem þú hefur í raun óskað þér er að vera góður og það ertu svo sannarlega. Tilfinningar þínar setja mikið að litum í kringum þig, þú færð alla liti sem heimurinn í raun og veru getur gefið.

Það kemur svo sterkt fram að þú ert að fara inn í tímabil þar sem þín sanna vinátta verður endurgoldin með ólýsanlega fallegu karma. Þú heldur kannski of fast í sama fólkið og þarft að opna fyrir vissa vídd til þess að tengjast nýju fólki eða gömlum félögum sem þú hefur ekki sinnt.

Með þessu finnurðu að það opnast nýjar víddir í huganum og þú sérð svo margt í nýju ljósi. Það er mikilvægt fyrir þig að vita að sönn vinátta er ekki endilega sá eða sú sem þú talar við á hverjum degi.. Heldur er það sú persóna sem kemur inn í líf þitt, og kom kannski inn í líf þitt fyrir mörgun árum, en þér finnst þú hafir hitt í gær, það er sönn vinátta.

Það er svo fallegt tilfinningaflæði að birtast þér. Þar sem þér finnst með sanni þú getir sagt það sem þér finnst og sýnt hver þú ert. Þú átt líka eftir að sjá það svo skýrt að enginn er þér æðri eða lægri, því við erum ein heild.

Þú hefur sterkari viðbrögð og kraft gagnvart því sem þér finnst leiðinlegt í fari þínu. Þú endurspeglar svo fallegan karakter og lífsýn yfir það sem þér er fært. Það er ekkert að stoppa þig núna, þó þú getur verið á einhverri biðskyldu er að koma grænt ljós. Þú munt fá svo mikla vellíðan og það er hamingjan, svo taktu vel eftir því.

Það er svo margt að reddast sem þú bjóst ekki við að myndi bjargast, svo áhyggjur og kvíði fjúka út í veður og vind. Venus er náttúrulega ríkjandi yfir þeim sem þrá ástina, en er líka tengdur vináttu, heimili og árangri, svo þú finnur þessa tilfinningu að vera ástfanginn af lífinu.

Knús & kossar,

Sigga Kling

Fræg Naut:

Aron Einar Gunnarsson fyrirliði íslenska knattspyrnulandsliðsins, 22. apríl

Hannes Þór Halldórsson markvörður, 27. apríl

Guðrún Veiga Guðmundsdóttir, áhrifavaldur, 21. apríl

Ólafur Ragnar Grímsson, fyrrum forseti, 14. maí

Halldór Laxness, rithöfundur og skáld, 23. apríl

Helga Möller söngkona, 12. maí

Katrín Tanja Davíðsdóttir crossfit-meistari, 10. maí