Smartland Mörtu Maríu | Stjörnuspá | mbl | 29.4.2022 | 6:00

Hrúturinn: Spennandi tímar og stöðuhækkanir í kortunum

Elsku Hrúturinn minn,

það hafa verið lagðar fyrir þig alls kyns hindranir og vesen, en þegar þú átt í hlut þá eflir það þig bara 200 falt. Þú gætir sært eða svekkt einhvern, alveg án þess að meina nokkuð, því þú vilt fá skýr og hrein svör. Þú horfist í augu við alla sem þú þarft að tækla og einhver á eftir að þurfa að viðurkenna fyrir þér að hann kom illa fram við þig og fór á bak við. Þú átt ekki að láta malla ofan í þig hvað þú átt að gera í þessu tilfelli, heldur finndu sjálfur hvaða leiðir eru bestar.

Það eru mörg uppgjör bæði búin að eiga sér stað eða munu merkja sig inn í maímánuði og þú skalt hugsa eins og sannur stríðsmaður; ég hætti ekki fyrr en ég fæ sigrað. Stundum máttu sýna aðeins meiri sanngirni og vera lipur í orðavali, það færir þér það að þú hefur fleiri stuðningsmenn. Þú átt eftir að þurfa bæta upp fyrir eitthvað í sambandi við manneskju sem hefur verið þér ofsalega góð. Vegna þeirra aðstæðna að þú hefur ekki lagað hlutina, gætirðu hafa lent í erfiðara Karma en þú bjóst við.

Þetta er mánuðurinn sem markar upphaf og er Hrúturinn fyrsta merkið í dýrahringnum og það sterkasta. Þú skalt ákveða með þér hvort þú ætlir að vera leiðtogi, vera sjálfstæður eða lipur undir umsjón annarra. Það verða stöðuhækkanir alveg sama hvar þú stendur í lífinu og þú færð peninga til þess að breyta því sem þú vilt breyta.

Allt sem tengist heilsufari, andlegu eða líkamlegu muntu fá einhver vopn upp í hendurnar eða hitta á rétta aðila, því það eru ekki allir að segja þér satt. Annars er þessi tími þegar líða tekur á maí og sumarið byrjar svo ótrúlega skemmtilegur fyrir þig. Þú lendir í ævintýrum sem þig hefði ekki dreymt fyrir og þú finnur út hvernig þú vilt hafa þitt draumalíf.

Knús og kossar,

Sigga Kling.