Stjörnuspekingurinn Rosa Smith hefur gefið út viðvörun vegna tunglstöðu og tunglmyrkva helgarinnar sem er framundan. Hún spáir því að tilfinningar muni magnast upp um helgina og skapa ringulreið í lífi fólks.

Smith heldur því fram að orkan sem fylgi afturhvarfi Merkúrs verði mikil og hvetur fólk því til að forðast það að taka stórar ákvarðanir um helgina. 

„Full tungl eru tengd tilfinningum okkar og eru tími þar sem við þurfum að takast á við vandamál úr undirmeðvitund okkar. En tunglmyrkvi, sérstaklega tengdur Sporðdrekanum, bætir í blönduna og leyndar tilfinningar skjóta upp kollinum,“ segir Smith í samtali við Femail.

„Þurfum að vera á varðbergi gagnvart tilfinningum okkar“

„Tunglmyrkvaorka er eins og fullt tungl á sterum og hún magnast upp. Við þurfum að vera á varðbergi gagnvart tilfinningum okkar,“ segir Smith og bætir við að ofan á það séu Merkúr og Plútó líka í afturhvarfi sem auki á tilfinningalegt umrót.

Smith biðlar til fólks að vera viðbúið því að misbrestur komi upp í samskiptum, að misskilningur komi upp í samböndum og að vandamál geri vart við sig tengt tækni þar sem Merkúr sé í afturhvarfi.

Hún segir enn fremur að öll stjörnumerki geti upplifað nokkuð ákafa og krefjandi daga í kringum tunglmyrkvann, en sérstaklega Sporðdrekinn, Nautið, Ljónið og Vatnsberinn.

Tengdar fréttir

Stjörnuspeki

Hvaða hundategund hentar þínu stjörnumerki best?

• Hvaða stjörnumerki hefur unnið flest gull á Ólympíuleikum?
• Hvaða skemmtiferðaskip passar best við þitt stjörnumerki?
• Peningastjörnuspá ársins 2023
• Ástarspáin 2023! Hvað segja stjörnumerkin?

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Eðlukóngurinn og stjörnuspekin