Smartland Mörtu Maríu | Stjörnuspá | mbl | 2.9.2022 | 6:00

Fiskurinn: Hvort ertu skrautfiskur eða hákarl?

Elsku Fiskurinn minn,

að sjálfsögðu eruð þið tveir Fiskar sem táknið þetta merki. Annar Fiskurinn er hákarl en hinn er skrautfiskur. Maður veit aldrei hvorum maður mætir, hákarlinum eða skrautfisknum. Þetta gerir það að verkum af þú ert svo spennandi og allir vilja vita hver þú í raun og veru ert. En enginn mun komast að neinni niðurstöðu vegna þess að þú hefur þann hæfileika að aðlaga þig að öllu og öllum.

Stundum er þó hákarlinn í orku þinni of lengi og sérstaklega núna í september og í byrjun október þar sem þig langar virkilega að éta einhvern. Allavega að sýna að það borgar sig ekki að ráðast á þig. Þú ert svo góður í að semja leikrit eða að segja frá því sem gerðist og alltaf muntu skreyta það aðeins og það gerir þig svo skemmtilegan. Er það ekki það sem við öll þráum að vera með skemmtilegum manneskjum?

Þér finnnst það vera þín skylda að mæta í flest boð og að vera sýnilegri en þú nennir. Og ef allt er ekki eins fínpússað og þú gerðir ráð fyrir þá færðu móral eða angist. Sem er í raun og veru bara brjóstsviði sem hverjur jafnfljótt og hann kom.

Það blóm sem tengist fiskamerkinu heitir Fjóla, svo fjólublár litur setur inn ró og öryggi, svo þú skalt hafa það í minni. Litir almennt sem þú setur í klæðaburð þinn eða í annað í kringum þig hafa svo góð áhrif á þig og stuðla að vellíðan. Þú skalt líka skoða vel að allskonar lykt hefur líka mikil áhrif á þig. Þú átt eftir að stunda andlegar athafnir og að hvíla þig á hugarbreytandi efnum og vesenisgjörningingum. Þú ert að sýna fram á að hákarlinn og skrautfiskurinn geti synt samhliða og ekkert fær þig sigraðan. Ástin er eins og þú vilt hafa hana, en gefðu þeim sem þú elskar það frelsi sem þarf.

Knús og kossar,

Sigga Kling