Vildu að hún léttist um 10 kíló

Söngkonan Cheryl Cole, sem nýlega var rekin á ameríska X Factor, var skipað að léttast um minnsta kosti 10 kíló ef hún ætlaði að plumma sig í þættinum. Stjórnendur þáttarins lögðu mikið upp úr því að hún myndi fara eftir þessum fyrirmælum.

Ef marka má útlit söngkonunnar er þetta algerlega galin hugmynd því Cheryl er ekki með fituörðu á líkamanum. Auk þess grenntist hún töluvert í fyrra þegar hún fékk malaríu á ferð sinni um Afríku.

Vesalings Cheryl þorði þó ekki öðru en að fara að fyrirmælum stjórnenda X Factor og fékk sér einkaþjálfara. Tracy Anderson varð fyrir valinu en hún er þekktur stjörnutemjari og hefur meðal annars þjálfað Jennifer Aniston og Gwyneth Paltrow.

Í síðustu viku sögðum við frá því að Cheryl Cole væri kominn á barnamats-kúrinn. Það er kannski ekkert skrýtið þar sem Tracy Anderson lét Jennifer Aniston einmitt á sama kúr í fyrra þegar hún þurfti að slípa demantinn örlítið.

• Blogga um frétt