Eiga von á barni

Miðborgarstjórinn Jakob Frímann Magnússon á von á sínu öðru barni með unnustu sinni, Birnu Rún Gísladóttur. Fyrir eiga þau dótturina Jarúnu Júlíu, sem verður fimm ára í maí. Birna Rún á að eiga seinnipartinn í júlí og er komin rúma fjóra mánuði á leið. Þegar blaðamaður hafði samband við Jakob Frímann sagðist hann vera ákaflega ánægður með fjölgunina.

„Þetta eru mestu gleðifréttir síðari tíma í okkar fjölskyldu. Sérstaklega fyrir Jarúnu Júlíu sem hefur þráð að eignast systkini síðan hún fór að hafa vit á því,“ segir Jakob Frímann.

Aðspurður hvort hann viti kynið segir hann að það komi í ljós í næstu viku.

„Að svo stöddu teljum við að annaðhvort sé um sveinbarn eða meybarn að ræða.“

Auk Jarúnar Júlíu á Jakob Frímann dótturina Bryndísi með fyrrverandi eiginkonu sinni, Ragnhildi Gísladóttur.

Jakob Frímann ásamt dóttur sinni, Jarúnu Júlíu. Kristinn Ingvarsson

• Blogga um frétt