Dorrit komin á Facebook

Dorrit Moussaieff birtir mynd af sér og Ólafi Ragnari, sem er líklega fyrsta opinberlega myndin af þeim. Víkurfréttir klipptu Dorrit út af myndinni því það hvarflaði ekki að þeim að þau væru kærustupar.

Nú er frú Moussaieff komin á Facebook og birtir myndina gömlu með þessum orðum:

„Ég hlakka til að fara um landið með Ólafi. Við byrjum í Grindavík á morgun. Það var reyndar fyrsti staðurinn sem ég kom á þegar ég kom fyrst til Íslands. Ólafur tók mig með sér á opnun Bláa lónsins árið 1999. Það var skemmtilegt á fleiri en einn hátt... - með Ólafur Ragnar Grímsson og Guðrún Tinna Ólafsdóttir.“

Kosningabarátta Ólafs Ragnars er formlega hafin og mun frú Moussaieff vafalaust fara á kostum á meðan á henni stendur. HÉR er hægt að skoða Facebook-síðu Dorritar.