Chloé Ophelia og Árni Elliot eignast dreng

Fyrirsætan fyrrverandi Chloé Ophelia og Árni Elliott eignuðust dreng á St. Josephs sjúkrahúsinu í Marseille laugardaginn 7. júlí síðastliðinn. 

Þau Chloé og Árni eru búsett í frönsku borginni þar sem þau una sér við nám og störf. Að sögn Chloé heilsast henni og drengnum vel. Þau mæðgin eru enn á spítalanum þar sem Chloé segir að stjanað sé við þau og þeim sé kennt allt sem þau þurfi að vita. Í Frakklandi er lágmarksdvöl á spítala fjórir dagar eftir fæðingu ætli konur sér að gefa brjóst.

Drengurinn hefur fengið nafnið Högni Hierónýmus og óskar Smartland þeim Chloé og Árna innilega til hamingju. 

Chloé og Árni áður en Högni Hierónýmus kom í heiminn.

• Blogga um frétt