Vandræðalegar sms-sendingar

Fólk gæti átt von á fyndum og skondnum sms-um á næstunni, að minnsta kosti frá vinum sem eiga iPhone 5. Hluti af nýja stýrikerfinu sem Apple kynnti í september er íslenskt auto-correct forrit sem leiðréttir texta sjálfkrafa og tekur stundum óumbeðið völdin.

Margir þekkja hvernig auto-correct hefur gert daginn ógleymanlegan, yfirleitt á ensku hingað til. Þannig má nefna sem dæmi að Hildur Sverrisdóttir varaborgarfulltrúi og lögfræðingur deilir því á facebooksíðu sinni hvað úr varð þegar hún sendi formlegt sms til „virðulegs stjórnmálamanns“ og fékk svar til baka, aðeins eitt orð; „daður“ eða „flirt“ Svarið átti að hljóma á borð við eitthvað eins og „flott“.

Björk Eiðsdóttir ritstjóri Séð og heyrt sagði í samtali við Smartland að hún byrjaði daginn hlæjandi og endaði hann líka með bros á vör þökk sé autocorret. Enda ætlaði hún um daginn að senda vinkonu sinni skilaboðin „Þetta er sick!“ en skilaboðin sem vinkonan tók við hljómuðu svo; „Þetta er dick!“

Auto-correct er ekki að skemmta fólki í fyrsta skipti. HÉR má finna óborganlegar hryllingssögur af því hvernig leiðréttingarforritið tók völdin.