Hafdís Huld á Hótel Borg árið 2000

„Já þarna var ég nú aldeilis smart,“ segir Hafdís Huld Þrastardóttir tónlistarkona um ljósmynd  vikunnar úr fortíðarsafni Morgunblaðsins.

„Ég hef náð mér í krullujárn einhverstaðar og svona líka skvísulegt leðurdress.“

Myndin var tekin í frumsýningarpartí árið 2000 á kvikmyndinni Íslenski Draumurinn sem Róbert I. Douglas leikstýrði. Hafdís Huld lék eitt af aðalhlutverkum í myndinni.

„Ég var nýflutt til London á þessum tíma og minnir að mér hafi bara þótt þetta ansi smart, fyrir utan reyndar hárið. Ég var í einhverju veseni með það eftir of margar litatilraunir með Telmu systur minni.“

Í frumsýningarpartýi kvikmyndarinnar Íslenski draumurinn sem haldið var í Gyllta sal Hótel Borgar. Jim Smart

• Blogga um frétt