„Ég vil vera áfram í fjölmiðlum“

Morgunþátturinn Magasín á FM957 með Ernu Dís Schweitz, Þórhalli Þórhallssyni og Brynjari Má er hættur. Erna Dís segir að það hafi ekki verið nægilega góð hlustun á þáttinn.

„Það gerðist svo sem ekki mikið, við fengum bara ekki þá hlustun sem óskað var eftir. Þetta er harður heimur, fjölmiðlabransinn. Akkúrat núna er ég bara að vega og meta það sem er í boði,“ segir Erna Dís.

Þátturinn var búinn að vera í loftinu í ár og segir Erna Dís að hún hafi kunnað vel við sig í útvarpinu. „Ég stefni á að vera áfram í fjölmiðlum. Ég kann vel við mig á þessum vettvangi.“

Þegar Smartland heyrði í Ernu Dís var hún á leið til Lundúna þar sem hún ætlar að eyða helginni og upplifa jólastemningu í stórborginni. 

Brynjar Már og Erna Dís. mbl.is/Sigurgeir Sigurðsson

• Blogga um frétt