Þjóðþekktir Íslendingar áttu barnaláni að fagna á árinu og í heiminn komu stúlkur og drengir sem foreldrarnir sjá ekki sólina fyrir. Smartland rifjar hér upp nokkrar fréttir þar að lútandi frá árinu:

• Bryndís Ásmundsdóttir leikkona og athafnamaðurinn Fjölnir Þorgeirsson eignuðust dreng í október. Drengurinn fékk nafnið Fjölnir Már.
• Líkamsræktarkonungnum Arnari Grant og eiginkonu hans, Kristínu Hrönn Guðmundsdóttur, fæddist lítil stúlka í október.
• Fyrirsætan fyrrverandi Chloé Ophelia og Árni Elliott eignuðust dreng á St. Josephs-sjúkrahúsinu í Marseille í júlí. Drengurinn hefur fengið nafnið Högni Hierónýmus.
• Miðborgarstjórinn og Stuðmaðurinn Jakob Frímann Magnússon og unnusta hans, Birna Rún Gísladóttir, eignuðust dóttur í ágúst. Dóttirin fékk nafnið Katrín Borg.
• Alþingismaðurinn Illugi Gunnarsson og eiginkona hans, Brynhildur Einarsdóttir, eignuðust dóttur í mars. Dóttirin fékk nafnið Guðrún Ína.
• Fyrirsætan og stílistinn Kristrún Ösp Barkardóttir eignaðist son í mars. Sveinn Andri Sveinsson er faðir drengsins. Drengurinn hlaut nafnið Baltasar Börkur.
• Leikkonan Edda Björg Eyjólfsdóttir og tónlistarmaðurinn Stefán Magnússon eignuðust dóttur í október.
• Tónlistarmanninum Bubba Morthens og eiginkonu hans, Hrafnhildi Hafsteinsdóttur, fæddist dóttir í maí.  Dóttirin fékk nafnið Aþena Lind.
• Fréttakonan María Sigrún Hilmarsdóttir og eiginmaður hennar, Pétur Árni Jónsson, eignuðust son í apríl. 
• Þó nokkrir tvíburar komu í heiminn á árinu. Leikarahjónin Tinna Hrafnsdóttir og Sveinn Geirsson leikari eignuðust tvíburadrengi í febrúar og gömlu vinkonurnar Katrín Júlíusdóttir viðskiptaráðherra og Tinna Ólafsdóttir, einn af eigendum Ígló, eignuðust báðar tvíbura á árinu.