Nike-skór Sigmundar Davíðs á uppboði

Sigmundur Davíð Gunnlaugsson forsætisráðherra mætti með frægustu Nike-skó á Íslandi í útvarpsþáttinn Virka morgna á Rás 2. Andri Freyr Viðarsson stjórnandi þáttarins ætlar að bjóða skóna upp á Facebook-síðu þáttarins. Sá sem býður hæst í skóna eignast ekki bara frægustu Nike-skó á Íslandi heldur styrkir um leið átakið Á allra vörum. Í ár rennur söfnunarféð til geðgjörgæsludeildar Landspítalans.

Sigmundur Davíð vakti heimsathygli þegar hann hitti Barack Obama, forseta Bandaríkjanna, í Stokkhólmi en vegna sýkingar í fæti gat sá fyrrnefndi ekki farið í spariskónum og endaði hann í sitthvorum skónum.

Rúv.is greinir frá því að hæsta boð í skóna sé 125.000 krónur en uppboðið stendur yfir til hádegis. Hægt er að senda inn tilboð á Fésbókarsíðu Virkra morgna.

Sigmundur Davíð mætti á fundinn í ósamstæðum skóm.

• Blogga um frétt