Fáir sætari en Sindri Sindrason

Fjölmiðlakonan Sigrún Ósk Kristjánsdóttir segir að Sindri Sindrason sé fallegasti karl sem hún veit um fyrir utan maka sinn. Þegar hún er spurð út í hinn fullkomna dag segist hún gera frekar einfaldar kröfur og nefnir góðan mat, vini og að fá að sofa út. 

Hvernig kemur þú undan sumarinu? Bara nokkuð vel. Haustið er samt minn tími. Fallegri litir, hlýrri föt og maður býst ekki við neinu af veðrinu.

Hver var hápunktur sumarins? Fimm daga gönguferð um Hornstrandir. Ég þjáðist af alvarlegri þjóðrembu eftir að ég kom heim. Þvílík fegurð.

Hvernig verður haustið hjá þér? Ég er að fara að sýna fyrsta þátt í nýrri þáttaröð af Neyðarlínunni á Stöð 2 á sunnudag, afrakstur mikillar vinnu. Svo er ég að fara í vikuferð í sólina. Ég er svo spennt að ég gæti grátið.

Hvert er upp­á­halds­landið þitt/borg­in þín? Perú og Kaupmannahöfn.

Ertu dug­leg­ að elda? Æi, nei. En ef ég hefði meiri tíma til þess tæki ég varla af mér svuntuna.

Horf­ir þú mikið á sjón­varp eða hlust­ar þú mikið á út­varp? Ég horfi á sjónvarp í skorpum og hlusta á útvarp í bílnum. En ég bý á Akranesi og eyði mjög miklum tíma í bíl svo líklega hlusta ég meira á útvarp en margir.

Áttu gælu­dýr? Já, ég á lítinn klippara hérna í vinnunni sem þarf mikla umönnun. Hann Jón Grétar. En ég hef ekki átt hefðbundið gæludýr frá því páfagaukurinn minn dó í hárri elli.

Hvaða flík verða all­ar kon­ur að eiga í fata­skápn­um sín­um? Ég verð sjálf að eiga góðar, svartar sokkabuxur.

Hvaða karl finnst þér sæt­ast­ur (fyrir utan maka)? Sindri Sindrason. Það getur enginn keppt við það andlit.

Hver er upp­á­halds­mat­ur­inn þinn? Parmaskinka er eitt það besta sem hefur komið fyrir heiminn. Parmesanostur líka. Og Lindubuff. Er þetta gilt svar við spurningunni?

Borðar þú morg­un­mat? Já, ég hef aldrei getað skilið hvernig fólk getur sleppt því.

Klukk­an hvað vakn­ar þú á morgn­ana? 7.20.

Hvernig er hinn fullkomni dagur í þínum huga? Að fá að sofa út, borða góðan mat og hitta skemmtilegt fólk. Ég er svo nægjusöm.

Hvernig Facebook-týpa ertu? Sú sem ég ætlaði aldrei að verða. Ég er að bjóða upp á allt of mikið af barnamyndum. Ræð bara ekki við mig. En ég reyni að bjóða upp á eitthvað barnlaust og sniðugt í bland.

Hver er draum­ur­inn? Að verða betri í dag en í gær. Er það ekki ágætis markmið?

• Blogga um frétt