Björn Ingi Hrafnsson steggjaður

Björn Ingi Hrafnsson, stjórnarformaður DV og Pressunnar, ætlar að kvænast kærustu sinni, Kolfinnu Von Arnardóttur, almannatengli hjá Artikolo í júní. Í tilefni af giftingunni var honum rænt af vinum sínum og hann steggjaður.

20 vinir hans úr æsku, vinnufélagar og fjölskyldumeðlimir sóttu hann síðdegis í vinnuna síðasta miðvikudag og fóru með hann í keilu. Eftir það var farið með Björn Inga í litabolta þar sem hann var klæddur í bleikan hænubúning og gjörsamlega skotinn niður af vinum og fjölskyldumeðlimum. Ekki fylgir sögunni hvernig hann komst frá þessum gjörningi en vinunum var allavega skemmt. 

Eftir þetta var farið á Argentínu þar sem Ingó veðurguð kom og hélt uppi stuðinu. Hópurinn sá svo um að skemmta sér á staðnum fram á rauða nótt. 

Björn Ingi og Kolfinna Von ætla að ganga í það heilaga í Hallgrímskirkju 13. júní næstkomandi og mun Agnes M. Sigurðardóttir biskup gefa þau saman.

Kolfinna Von og Björn Ingi eru á leið í hjónaband. Ljósmynd/Af Facebook

• Blogga um frétt