Stærsta stjarna Bollywood á leið til landsins

Bollywoodleik- og söngvarinn Shah Rukh Khan sem er einnig þekktur sem konungur Bollywood er nú á leið til Íslands til að taka upp myndband við nýtt lag sitt.

Á vefnum MumbaiMirror kemur fram að lagið verði tekið upp á svörtum ströndum Íslands með brimið og stórbrotið landslagið allt í kring. Khan mun koma til landsins í næstu viku og áætlað er að hann verði hér í um tólf daga ásamt fylgdarliði sínu.

Farh Khan er þekktur danshöfundur í Bollywood og mun vinna að gerð myndbandsins á Íslandi. Samkvæmt erlendum miðlum á myndbandið að vera algjörlega einstakt og fallegra en allt sem áður hefur komið frá Bollywood.

Shah Rukh Khan er fæddur þann 2. nóvember 1965. Hann er einn af ríkustu leikurum heims og er auður hans metinn á um 80 milljarða króna.

Meðfylgjandi er myndband við lagið Suraj Hua Maddham 

Eignir Khan eru metnar á um 80 milljarða íslenskra króna. AFP

• Blogga um frétt