Karl Lagerfeld látinn

Fatahönnuðurinn Karl Lagerfeld er látinn 85 ára gamall. Franskir fjölmiðlar greindu frá því í dag að Þjóðverjinn hefði látist í París. BBC og fleiri fjölmiðlar greina frá þessu. Lagerfeld var listrænn stjórnandi Chanel þegar hann lést en áður hafði Smartland greint frá veikindum hans. 

Frétt af mbl.is

Karl Lagerfeld fjarverandi í fyrsta skipti

Til­kynn­ing kom frá tísku­hús­inu eft­ir sýn­ing­u Chanel í janúar um að list­ræni stjórn­and­inn hafi verið of þreytt­ur til að koma á sýn­ing­una. 

Lagerfeld fæddist í Hamborg í Þýskalandi en laug lengi vel til um aldur sinn. Hann flutti sem unglingur til Parísar og varð aðstoðarmaður Pierre Balmain áður en hann byrjaði að vinna fyrir tískuhús á borð við Fendi og Chloe á sjöunda áratug síðustu aldar. 

Hann hóf að starfa fyrir Chanel árið 1983. Ári seinna stofnaði hann einnig sitt eigið merki, Karl Lagerfeld. 

Karl Lagerfeld á tískusýningu Chanel. mbl.is/AFP

• Blogga um frétt