Erna Hrönn útvarpsstjarna á K100 og söngkona giftist unnusta sínum, Jörundi Kristinssyni sem starfar hjá Origo, um helgina. Brúðkaupið var ekki bara ástarhátíð heldur tónlistarveisla. Erna Hrönn á þéttan vinahóp úr tónlistarlífinu og sáu vinirnir til þess að veislan varð algerlega ógleymanleg. Sigga Beinteins, Friðrik Ómar, Selma Björns og Regína Ósk, svo einhverjir séu nefndir, slógu þvílíkt í gegn. 

Erna Hrönn var glæsileg á brúðkaupsdaginn sinn í afar fallegum skósíðum kjól með blúndu og silfri. Hann klæddist vel sniðnum jakkafötum. Elín Reynisdóttir ofurförðunarfræðingur farðaði brúðina fyrir stóra daginn og Emilía á Emóru greiddi henni, en eins og sést á myndunum var hvort tveggja vel heppnað. 

Hjónin eiga samtals sex börn og eru búin að vera saman í um áratug. 

Tengdar fréttir

Brúðkaup

Katrín Edda og Markus fagna 3 ára brúðkaupsafmæli

• „Þessi dagur var klárlega skreyttur töfrum“
• Dóra Júlía klæddist brúðarkjól ömmu sinnar
• Fyrrverandi barnastjörnur í hnapphelduna
• Brúðarkjóll Evu fáanlegur á norskri Bland-síðu

» Fleiri tengdar fréttir

• Blogga um frétt