Sex ára afmælisprins styður England
Setja bókamerki
„Prins Georg á afmæli í dag, en sem elsta barn Vilhjálms og Katrínar, hertogahjónanna af Cambridge, er hann þriðji í erfðaröðinni að bresku krúnunni,“ skrifar Guðný Ósk Laxdal í sínum nýjasta pistli en hún skrifaði meðal annars lokaritgerð um bresku konungsfjölskylduna.
Prins Georg er í dag 6 ára, og eins og konunglegar hefðir segja til um voru opinberar myndir af honum gefnar út í tilefni dagsins. Í ár voru gefnar út þrjár myndir af prinsinum en allar myndirnar voru teknar af móður hans, Katrínu, og eru því frekar persónulegar. Georg prins hefur virst feiminn við opinber tilefni undanfarin ár og er gaman að fá myndir af honum þar sem hann er augljóslega mjög ánægður í sínu umhverfi.
Ein myndin er af prinsinum í fjölskyldufríi og má því áætla að myndin sé mjög nýleg þar sem Cambridge-fjölskyldan er þessa dagana að hafa það gott í sumarfríi á einkaeyjunni Mustique í Karabíska hafinu. Þau munu síðan koma aftur til Bretlands í ágúst og verja tíma með fleirum úr konungsfjölskyldunni í Balmoral, einum kastala Elísabetar drottningar í Skotlandi.
Opinberar myndir konungsfjölskyldunnar eru enn þá vinsælar þó svo að til sé endalaust af myndum af henni, en opinberar myndir eru hugsaðar sem leið til að styrkja samband konungsfjölskyldunnar við almenning. Undanfarin ár hafa myndirnar af Cambridge-krökkunum verið teknar af móður þeirra og því persónulegri en ef þær væru teknar af opinberum konunglegum ljósmyndurum. Einnig eru þær í dag fyrst birtar á samfélagsmiðlum og fara því beint til almennings í staðinn fyrir að fara í gegnum fjölmiðla. Hins vegar eru afmælismyndir, líkt og nýju myndirnar af Georg, vanalega birtar kvöldið fyrir afmælisdaginn til að fjölmiðlar geti notað myndirnar á deginum sjálfum. Skemmtilegt er líka að sjá að allar afmælismyndir Cambridge-krakkanna í ár eru teknar úti í náttúrunni, en Lúðvík og Karlotta áttu afmæli í apríl og maí. Eitt af góðgerðarátökum Katrínar í ár er að hvetja fjölskyldur og krakka til að vera úti í náttúrunni. Má því segja að myndirnar séu liður í átaki konungsfjölskyldunnar í að vera fyrirmynd bresku þjóðarinnar.
Ekki vandamál að vera karlmaður
Sólveig Anna furðar sig á aðferðum kennara
Vegirnir voru eins og borðstofuborð
Pútín reynir allt til að forðast aðra herkvaðningu
Hentugt gos fyrst gýs á annað borð
Viðræður ekkert þokast frá því á þriðjudag
Hótar Bretum og Bandaríkjamönnum
Reiðubúin að aflýsa verkföllum í fjórum leikskólum
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda