Sumarið getur verið áskorun fyrir marga. Það geta flestir litið vel út í skrifstofufatnaði, en þegar kemur að baðfötunum er stundum meiri áskorun að halda í stílinn.

Að mati Smartlands eru íslenskar konur þær fallegustu í heiminum einmitt á baðfötunum. Þær eru með fallega húð og klæðast margar hverjar í hugguleg baðföt. 

Ljósmyndirnar af íslenskum konum á samfélagsmiðlum í baðfötunum einum saman bera þess merki. Þetta eru konurnar sem hafa hækkað hitastigið á samfélagsmiðlum um nokkrar gráður í sumar. 

María Birta leikkona

María Birta hefur búið erlendis lengi en heldur í þessi fallegu íslensku einkenni sem konurnar hér heima hafa. Hún passar upp á húðina, velur sér vanalega mjög falleg baðföt og er í frábæru formi. Hún er með útlit sem einkennandi var á áttunda áratug síðustu aldar þegar konur gerðu léttar æfingar og góðar teygjur. 

Birta Björnsdóttir listakona

Birta hefur verið á faraldsfæti í sumar og heimsótti m.a. Tansaníu. Það hvernig hún virðist vernda húðina í sólinni og klassískt útlit hennar minnir á kvikmyndastjörnu frá því á níunda áratugnum. 

Þórey Vilhjálmsdóttir sérfræðingur

Fegurðardísin og fjallagarpurinn Þórey Vilhjálmsdóttir er ófeimin við að fara úr fötunum og vera í baðfötum fyrir framan landsmenn. Hún er dugleg að synda í sjónum og þykir einstaklega smart hvort heldur sem er í vinnu, uppi á fjöllum eða að synda í söltum sjónum. 

Alexandra Helga fyrirsæta

Fyrirsætan Alexandra Helga er dugleg að setja myndir af sér á baðfatnaði á samfélagsmiðla. Hún er heitari en sólin á ströndinni og klæðir sig ýmist í klassískan sundfatnað eða skæra liti sem fara húðlit hennar vel. 

Það er hægt að læra margt áhugavert af Alexöndru á ströndinni. Meðal annars hvernig fylgihlutir eru fallegir við hvíta ströndina. 

Eva Dögg Rúnarsdóttir jógakennari

Eva Dögg Rúnarsdóttir er eins og leikkona frá sjöunda áratug síðustu aldar. Hún heldur í þetta útlit hvort heldur sem er í sjó, sundlaug eða á þurru landi. Eva er frábær í jóga og hefur kynnt fyrirtækið Brauð & Co með afburðum á síðustu misserum. Hún er glæsileg í baðfatnaði og heldur í stílinn sinn hvort heldur sem er í sundi eða jóga.

Sunneva Ása Weisshappel listakona

Sunneva Ása er mikið náttúrubarn og einstaklega falleg ung kona. Hún vekur athygli hvar sem hún kemur fyrir útgeislun og einlæga framkomu. Hvort heldur sem er í baðfötunum eða í samfestingi.

Hrafnhildur og Berglind Hafsteinsdætur

Athafnakonurnar Hrafnhildur Hafsteinsdóttir og Berglind Hafsteinsdóttir þykja einar fallegustu konur landsins. Þær eru duglegar að synda í köldu vatni, hvort heldur sem er í sjó eða vatni.

Þær þykja fá fegurð sína frá móður sinni sem þykir einstaklega lík leikkonunni Sophiu Loren.

Þær eru alltaf í smart baðfötum og hika ekki við að vera með húfur þegar þær baða sig í köldu vatni.  

Sunneva Eir Einarsdóttir áhrifavaldur

Sunneva er einn vinsælasti áhrifavaldur á samfélagsmiðlum sem Ísland hefur getið af sér. Hún veit nákvæmlega í hverju hún á að vera og hvernig hún á að koma sér á framfæri. Baðfatamyndir hennar eru gríðarlega vinsælar enda er Sunneva dugleg í ræktinni og það sést svo sannarlega á myndum hennar.  

Tinna Bergs fyrirsæta

Tinna Bergs verður bara fallegri með árunum og hefur sýnt það og sannað að hún þarf ekki töff fatnað til að líta vel út. Á baðfötunum er Tinna einstaklega falleg, með fallegt og frísklegt útlit.

Tengdar fréttir

Gylfi og Alexandra

Alexandra og Gylfi nema land í 409 fm lúxushúsi í Garðabæ

• Dóttir Alexöndru og Gylfa skírð í gær
• Íbúð Gylfa og Alexöndru á sölu
• Alexandra Helga safnaði 600 þúsund
• Alexandra og Móeiður slakar í Cannes eftir tapið

» Fleiri tengdar fréttir

• Blogga um frétt