Sólveig Eiríksdóttir grænmetis- og veganfrumkvöðull, oft kennd við Grænan kost og Gló, gekk að eiga kærasta sinn, Elías Guðmundsson í gær. Athöfnin fór fram í Fríkirkjunni í Hafnarfirði en svo var slegið upp veislu í Valsheimilinu.

Hjónin, Solla og Elli eins og þau eru yfirleitt kölluð, eru búin að vera saman í tæpa tvo áratugi og því ekki úr vegi að ganga í heilagt hjónaband. Jóna Hrönn Bolladóttir gaf brúðhjónin saman við hátíðlega athöfn. Eftir afhöfnina var haldið í Valsheimilið þar sem ekkert var til sparað til að gera daginn sem eftirminnilegastan. 

Viðburðafyrirtækið Vor Austmann & Agnes skipulögðu brúðkaupið. Boðið var upp á fallegar og fínar veitingar og svo komu landsþekktir skemmtikraftar og héldu uppi stuðinu eins og Bríet, Helgi Björns, Katrín Halldóra Sigurðardóttir og Pétur Jóhann Sigfússon. Veislustjórn var í höndum Agnesar Kristjónsdóttur og Ævars Österby. 

 Eins og sjá má á myndunum var mikið fjör í veislunni. 

Tengdar fréttir

Brúðkaup

Bjarki Gunnlaugs og Rósa Signý giftu sig í gærkvöldi

• María Thelma og Steinar giftu sig í Hallgrímskirkju
• „Vonandi verðum við ekki ástfangnar af kúnnunum okkar“
• „Partíið hófst á dansgólfinu strax í kjölfarið“
• „Það var eiginlega ekkert bónorð því ég eyðilagði það“

» Fleiri tengdar fréttir

• Blogga um frétt