Jóhannes Stefánsson, fyrrverandi starfsmaður Samherja, varð frægur á einni nóttu eftir að hann kom fram í fréttaskýringaþættinum Kveiki. Smartland hefur þó heimildir fyrir því að íslenskar konur hafi ruglað Jóhannesi saman við kyntákn frá Hollywood. Það skal ekki undra enda Jóhannes nauðalíkur Hollywood-leikaranum Dermot Mulroney. 

Mulroney var upp á sitt besta á tíunda áratug síðustu aldar. Hann lék þá á móti Juliu Roberts og Cameron Diaz í rómantísku gamanmyndinni My Best Friend's Wedding. Mulroney átti einnig góða spretti í jólamyndinni The Family Stone sem ágætt er að rifja upp á þessum árstíma. 

Það er ekki hægt að neita því að þeir Jóhannes og Mulroney eru nokkuð líkir. Nef og munnsvipur Jóhannesar minnir töluvert á Mulroney. Þeir Jóhannes og Mulroney gætu að minnsta kosti verið hálfbræður.