Björgólfur Thor Björgólfsson viðskiptamaður veiddi í Haffjarðará í lok júní ásamt leikstjóranum Guy Richie og fótboltamanninum David Beckham. Áttu þeir að vera við veiðar í ánni heila helgi en svo voru þeir farnir upp úr ánni fyrr en áætlað var og skemmtikraftarnir í Tjörnes, sem áttu að skemmta, afbókaðir. Þess má geta að Pétur Finnbogason og Hörður Bjarkason í Tjörnes eru líka í hljómsveitinni Bandmenn. Í kjölfar komst sú saga á kreik að Björgólfur Thor hefði keypt Haffjarðará af Óttari Ingvasyni. Í Mannlífi í dag segir Óttar að þetta sé rangt. 

Frétt af mbl.is

Björgólfur veiddi með Beckham og Ricthie í Haffjarðará

„Haffjarðará er ekki til sölu,” segir Óttar Yngvason í samtali við Mannlíf. 

„Allar þessar sögur um Björgólf Thor og Haffjarðará eru rangar. Hann hefur verið viðskiptavinur okkar í nokkur ár og ekkert komið upp á,” segir Óttar og ítrekar að hann ætli ekki að selja ánna þar sem hann hefur lagt gríðarlega vinnu í uppbyggingu. 

Haffjarðará er ein af þekkt­ustu laxveiðiám lands­ins og var lengi í eigu langafa Björgólfs, Thors Jen­sen. Hún er á Snæ­fellsnesi í um 120 km fjar­lægð frá Reykja­vík. Í ánni er bara leyfð flugu­veiði og eru þeir sem veiða á maðk rekn­ir upp úr. Ein­ung­is er leyfi fyr­ir sex stang­ir í ánni á sama tíma. 

Tengdar fréttir

Björgólfur Thor

Davíð úti en Björgólfur klifrar upp lista þeirra ríku

• Björgólfur Thor kaupir 310 milljóna lúxusíbúð í 101
• Björgólfur og Kristín fögnuðu frú Ritchie
• Björgólfur og Beckham saman á undanúrslitaleiknum
• Björgólfur Thor framleiðir sitt eigið áfengi

» Fleiri tengdar fréttir

• Blogga um frétt