Berglind og Svavar seldu paradísina fyrir austan

Berg­lind Häsler, viðburða- og sam­skipta­stjóri VG, og eig­inmaður henn­ar, Svavar Pét­ur Ey­steins­son, bet­ur þekkt­ur sem tón­list­armaður­inn Prins Póló, eru búin að selja Karlsstaði í Beruf­irði. Jörðina keyptu þau hjón­in árið 2014 og hafa rekið þar menn­ing­armiðstöðina Havarí, gisti­heim­ili, veit­ingastað og einnig fram­leitt Bopp og Bulsur. Greint er frá kaupunum á Havari.is. Viskiptablaðið greinir frá. 

„Við höfum nú gengið frá sölu á Karlsstöðum í Berufirði og nýtt fólk tekið við rekstrinum. Við fluttum austur fyrir rúmum 7 árum og þó svo að Karlsstaðir hafi verið paradís okkar fjölskyldunnar þá var Havaríið mun stærra en það. Allt frá byrjun voru stórfjölskylda okkar og vinir tilbúin að taka þátt í þessu með okkur og stundirnar sem við áttum þarna saman ævintýralega magnaðar. Handtökin voru nokkur en eitt skref í einu þá gekk þetta upp. Það var mikið hlegið en líka grátið enda ekki átakalaust að reisa þennan fagra bæ upp úr öskustónni. Við eigum eftir að sakna sveitarinnar og alls góða fólksins fyrir austan sem tók okkur opnum örmum. Við göngum sátt og hamingjusöm frá borði. Þökkum öllum sem sóttu okkur heim og óskum nýjum bændum á Karlsstöðum alls hins besta í framtíðinni. Havarí mun áfram standa fyrir taumlausa gleði og listgjörninga í raunheimi og netgeimi,“ segir í tilkynningu. 

Greint var frá því að jörðin væri á sölu á vef mbl.is í janúar. Þá sagði Berglind að þau hjónin ætluðu að einbeita sér að verkefnum í Reykjavík.

Frétt af mbl.is

Vilja koma Havarí í góðar hendur

Svavar opnaði sig um veikindi sem hann glímir við í viðtali í Sunnudagsmoggann í apríl. 

Frétt af mbl.is

Ég er ekki í óttanum

„Svo í lok árs 2018 ákváðum við að hvíla okk­ur á þess­ari keyrslu og búa einn vet­ur í Reykja­vík. Í miðjum flutn­ing­um greind­ist ég með krabba­mein í vélinda,“ sagði Svavar í viðtalinu. „Það byrjaði þannig að ég hafði fundið fyr­ir örðug­leik­um við að kyngja og var send­ur í maga­spegl­un á Norðfirði en þá voru Berg­lind og krakk­arn­ir kom­in í bæ­inn. Ég fæ strax að vita að ég sé með mein í vélind­anu. Það sem gerðist í kjöl­farið er að manni er kippt mjög snagg­ara­lega inn í heil­brigðis­kerfið.“

• Blogga um frétt