Rannveig Borg Sigurðardóttir lögfræðingur, sem búsett er í Sviss, er að eigin sögn vön að skrifa þurra, leiðinlega lagatexta. Samhljómur ríkir þó um að það sé ekki að finna á fyrstu skáldsögu hennar, Fíkn, sem hefur gert virkilega góða hluti hjá hlustendum Storytel og fengið frábæra dóma. Rannveig Borg mætti í Sögusvið Storytel og ræddi þar við Kamillu Einarsdóttir um Fíkn, sem er hennar fyrsta bók. Rannveig segir fíknina standa sér nærri. 

„Þegar ég var unglingur og ung kona átti ég við svo mikla átröskun að stríða. Átröskunin mín var þannig að því meira sem ég læri í fíknifræðum er að mín átröskun var að minnsta kosti ekkert annað en fíkn. Ég veit hvað það er að missa stjórn, ég veit hvað það er að vera í algjöru stjórnleysi, ég veit hvað það er að gera nánast hvað sem er til að fá fixið sitt. Þannig ég skil þetta, þess vegna er þetta svona áhugavert fyrir mig“ segir Rannveig Borg rithöfundur um áhuga sinn á fíkninni. 

Sögusvið Storytel eru skemmtilegir spjallþættir um bókmenntir og allt sem þeim við kemur. Þættirnir eru byggðir á samtölum ýmissa vel þekktra rithöfunda og bókmenntaunnenda, sem fara um víðan völl í spjallinu á Sögusviðinu. Til viðtals eru höfundar nýrri jafnt sem eldri verka, sem allir eiga það sameiginlegt að hafa nýlega fært verk sín yfir á hljóðform hjá Storytel. 

Tengdar fréttir

Bókaland

Ragnheiður bauð í teiti á Holtinu

• Skúli bauð í teiti á Kjarval
• „Ég held að réttur klæðaburður geti hjálpað fólki til að komast þangað sem það vill fara“
• „Geir var mjög ánægður og tók þessu með þökkum“
• Beta Reynis: Með galopið hjarta

» Fleiri tengdar fréttir

Storytel

Elspa mætti með dætur sínar

• Íslensku hljóðbókaverðlaunin veitt
• Hljóðbókaunnendur fagna með Hugleiki í kvöld
• Skemmtilegasta hlutverk í lífinu
• Óskar að springa úr gleði

» Fleiri tengdar fréttir

• Blogga um frétt