Rithöfundurinn Emil Hjörvar Petersen sendi nýlega frá sér skáldsöguna Hælið, en það er fyrsta prentaða bók sem Storytel á Íslandi gefur út og hún fæst á flestöllum sölustöðum bóka. Sagan hefur fengið frábærar viðtökur gagnrýnenda og lesenda, enda vekur hún áhuga breiðs hóps og ætti því að henta vel í marga jólapakka, sérstaklega fyrir spennufíkla, áhugafólk um dulræn öfl og fólk sem vill láta hræða sig eilítið í skammdeginu milli jóla og nýárs.

„Hælið er það sem ég vil kalla söguleg hrollvekja,“ segir Emil Hjörvar. „Sagan fjallar um venjulegt fólk í samtímanum sem flækist inn í reimleika og afar undarlega atburði sem tengjast gamla Kópavogshælinu.“

Hælið er hrollvekjandi og listilega fléttuð skáldsaga sem hrífur lesandann með sér á óhugnanlegt flakk um bæði tíma og rúm, þar sem drepsóttir fortíðar og aftökur í voginum koma við sögu.

„Gamalt hæli, berklar, holdsveiki, aftökur og dauði. Efnið kallaði á, eða grátbað mig um að verða að efni í hrollvekju. Þessi fallegi staður, við botn vogsins, og þessi fallega bygging, á sér myrka sögu og henni fáið þið að kynnast í Hælinu.“

Emil Hjörvar Petersen sýnir enn á ný að hann er sannkallaður sagnameistari á sviði hins dulræna í íslenskum skáldskap, en hann er lesendum að góðu kunnur meðal annars fyrir hrollvekjuna Ó, Karítas, sem kom einnig út undir merkjum Storytel Original, og verðlaunabókina Víghóla.

Tengdar fréttir

Bókaland

„Skrifuð mögulega með þá von í brjósti að hún geti orðið einhverjum til hjálpar“

• Eltingarleikur heilmyndarinnar
• Stella kveður fyrir fullt og allt
• Getum verið örlagavaldar annarra án þess að vita af því
• „Það var komin brunalykt af mér“

» Fleiri tengdar fréttir

Storytel

Elspa mætti með dætur sínar

• Íslensku hljóðbókaverðlaunin veitt
• Hljóðbókaunnendur fagna með Hugleiki í kvöld
• Skemmtilegasta hlutverk í lífinu
• Óskar að springa úr gleði

» Fleiri tengdar fréttir

• Blogga um frétt