Sjónvarpsstjarnan Ragnhildur Steinunn Jónsdóttir greinir frá því að hana langi meira til að vinna í sjónvarpi en að vera aðstoðardagskrárstjóri hjá RÚV en hún hefur gegnt því starfi í fjögur ár. 

„Kæru vinir, eftir fjögur gefandi ár í starfi aðstoðardagskrárstjóra sjónvarps hjá RÚV hef ég óskað eftir að vera leyst undan þeim skyldum. Þetta hefur verið lærdómsríkur, krefjandi og skemmtilegur tími. Takk fyrir mig Það er öllum hollt að staldra við endrum og eins, endurmeta stöðuna, gildin sín og finna hvar hjartað slær.

Á þessum tímapunkti er löngunin til að koma beint að þáttagerð og framleiðslu efnis ríkari en að sinna alhliða dagskrártengdum málefnum. Ég ætla því að demba mér aftur af fullum krafti í dagskrárgerð hjá RÚV. Hlakka til að leggja áfram mitt af mörkum til að búa til fjölbreytt og gott sjónvarpsefni Sjáumst!,“ segir Ragnhildur Steinunn á facebook-síðu sinni. 

Ragnhildur Steinunn Jónsdóttir og Jón Jónsson hafa starfað saman í kringum söngvakeppni Sjónvarpsins. mbl.is/Eggert Jóhannesson

Tengdar fréttir

Framakonur

Útskrifaðist fimmtug eftir baráttu við brjóstakrabbamein

• „Þetta hefur allt verið frekar bilað“
• „Ástin bankaði heldur betur á dyr, eiginlega bara ruddi þeim niður með látum“
• „Þrá okkar Hafþórs eftir að eignast barn saman kviknaði mjög snemma“
• Stærsta áskorunin að fá krabbamein 39 ára gömul

» Fleiri tengdar fréttir

• Blogga um frétt